لو بتفكر تتعلم برمجة البوست ده عشانك

Thu Jan 01, 1970 02:00 AM


course poster


4 نصايح لازم تعرفها لو انت لسه مبتدئ او جديد في مجال البرمجة


 

لو بتفكر تتعلم برمجة البوست ده عشانك

4  نصايح لازم تعرفها لو انت لسه مبتدئ او جديد في مجال البرمجة:

 

1-  المبرمج الشاطر بقي شاطر بسبب كثرة المشاريع اللي اشتغلها مش بسبب كثرة الكورسات اللي أخدها عشان كده النصيحة هنا انك خد كورس واحد اتعلم فيه اساسيات اللغة اللي انت حابب تتعلمها وبعد كده ابدأ بنفسك في اول مشروع .. لان المشاكل اللي هتقابلك محدش هيقولك عنها في أي كورس وانت اللي هتتعلم تحلها بنفسك من خلال التجربة والخبرة.

 

2- البرمجة مملة

ايوة للاسف البرمجة غالبا بتكون مملة الا لو انت دايما بتدور علي الجديد و بتقري وبتتابع المجال اول بأول وتقدر كمان تتغلب علي ده بأنك متحصرش نفسك في تخصص واحد ..عملت برنامج سطح مكتب بنفسك؟ هايل جرب بقي تعمل اول موبايل ابليكشن ليك

 

3- البرمجة زي الكورة

عارف ليه؟ اول حاجة في الكورة بتتعلم الاساسيات وتمارس وتتمرن اول بأول ومع الوقت مستواك بيتحسن ومهارتك بتزيد طيب هيجري ايه لو بطلت فترة؟

هتحتاج وقت عشان ترجع لمستواك صح؟

نفس الفكرة البرمجة زي الرياضة حاول تتمرن وتمارس أول بأول لان دي احسن طريقة عشان مهارتك وخبرتك تزيد

 

4- اعرف انت مبرمج شاطر ولا مبرمج خايب

ازاي ممكن اعرف ده؟ اجابة السؤال ده صادفتي علي موقع Quora من فترة والفرق بينهم هو انك لو مبرمج شاطر هتكون عارف كويس انت بتعمل ايه وبتخطط كويس قبل كل كود بتكتبه .. بتكتب الكود وانت عارف هيعمل ايه ومش بتدي أي مجال للصدفة او الحظ

وده هيساعدك جدا في حل اي مشكلة خاصة بالكود بتاعك فيما بعد.

 





Ads


Advertisment

Sponsors



Email: info@eventatak.com


Ads


Advertisment