ازاي ممكن تتعلم جرافيك ديزاين؟

Thu Jan 01, 1970 02:00 AM


course poster


طريقك من البداية لتعلم تصميم الجرافيكس


غالبا السؤال ده جه في بالك مرة علي الأقل قبل كده وبعدها كسلت كالعادة

 

عشان تتعلم جرافيك ديزاين اول حاجة لازم تعملها هي انك تحدد هدفك من تعلم الجرافيك ديزاين. طيب ازاي؟

بتسأل نفسك انت بتععلم جرافيك ديزاين ليه؟ هل مثلا لانك عندك ستارت اب وحابب تخلص شغل الديزاين بنفسك ولا هل عاوز تشتغل شغل ثابت في شركة ولا انت شخص هاوي بيحب يجرب ويتعلم حاجات جديدة.

اجابتك علي السؤال ده هتساعدك جدا في ترتيب اولوياتك وانت بتتعلم وهتساعدك تتعلم الحاجات اللي هتساعدك تحقق اهدافك فيما بعد.

 

تاني حاجة هي انك تختار مجال معين من مجالات الجرافيك ديزاين.. ايوووة الجرافيك ديزاين مش مجال واحد زي ما انت متخيل.

لو انت مهتم بمجال الدعاية والاعلان ده مجال من مجالات الجرافيك ديزاين .. لو انت مهتم بمجال تصميمات السوشيال ميديا ده مجال تاني ولو انت مهتم بمجال الطباعة دي حاجة تانية .. كمان لو مهتم بتصميم الهوية البصرية واللوجوهات ده مجال مختلف بردو.

مفيش مشكلة لو اتعلمت نبذة عن كل مجال لكن المهم انك تختار حاجة تحبها وتبقي شاطر ومختلف فيها.

 

تالت حاجة بعد ما عرفت انت عاوز ايه بالظبط خلاص بتبدأ تتعرف علي الاساسيات وهنا هتحتاج تبدأ بالفوتوشوب لانه من اشهر واهم برامج الجرافيك ديزاين وهتلاقي فيديوهات وشروحات كتير اونلاين علي يوتيوب علي سبيل المثال بتشرح أهم الاساسيات اللي هتكون محتاجها.

 

بعد ما عرفت الاساسيات دلوقتي كل اللي محتاجه انك تعمل تغذية بصرية لنفسك .. شوف ديزاينز كتير في كل مكان حواليك وحاول تقلد الديزاينز دي .. هتقابلك حاجات مش عارف تعملها .. اكيد عرفت خلاص هتعمل ايه؟

سيرش عليها بقي وشوف بتتعمل ازاي وتابع الجديد اول بأول هتلاقي نفسك مع الوقت بقي ليك اسلوب مميز ومختلف عن أي حد من هنا بقي تبدأ تطبق خبرتك دي علي مشاريع وشوف انت وصلت لايه وطور من نفسك واتعلم من اخطائك.

 

سهلة مش كده؟

ابدأ انت الاول وخد خطوة واللي جاي بعد كده مش صعب





Ads


Advertisment

Sponsors



Email: info@eventatak.com


Ads


Advertisment