الفرق بين ال cv، resume, portfolio

Thu Jan 01, 1970 02:00 AM


course poster


كتير من الشباب في بداية حياتهم في مجالات الشغل المختلفة بيطلب منهم لما بيقدمو علي الوظايف حاجات معينة ....



هنتكلم نهاردة عن موضوع مهم للشباب اللي بتدور علي شغل
دايما لما بتقدم علي شغل بيتطلب منك تبعت حاجات زي CV , Resume او احيانا Portfolio
نهاردة هنعرف الفروق بين كل واحد فيهم
خلينا نبدأ بأول حاجة وغالبا اشهر حاجة وهي ال CV:
طيب مبدأيا CV دي اختصار لكلمة لاتينية Curriculum Vitæ ودي ترجمتها بالانجليزية course of life وبنسميها بالعربي السيرة الذاتية وده بيكون ملف مفصل بيكون ورقتين او اكتر بيحتوي علي معلومات تفصليلة عن انجازاتك وشغلك السابق ومهامك فيه بالتفصيل بالاضافة لخبرتك ومهاراتك مش مجرد بتكتب ال job title لا انت محتاج تشرح بالتفصيل .. وطبعا بتكتب تعليمك والشهادات اللي حاصل عليها واي اضافات اخري.
لان ال CV بيكون فيه معلومات وتفاصيل كتيرة مهم يكون منظم بشكل يسهل القراءة ومريح للعين
وعادة الوظايف الكبيرة هي اللي بتكون محتاجة فعلا CV مش في ال Entry Level خالص وبيكون له Format او شكل معين

اما ال Resume بيكون مش اكتر من صفحة واحدة بتتكلم فيها سريعا عن خبرتك السابقة بدون تفصيل وتعليمك و مهاراتك والهدف منها انك تثبت للشخص انك تقدر تقوم بالشغل ده وغالبا بتكون جزء من ال Hiring process يعني بتأهلك ل Interview علي اساس ده ممكن يتم اختيارك
مهم جدا في ال Resume انك تعدله كل مره بما يتناسب مع الوظيفة اللي انت مقدم عليها بحيث تظهر اكتر المهارات اللي بتحتاجها الوظيفة اللي انت مقدم عليها بعكس ال CV مش هتحتاج تعدله كل مرة لانه فيه كل التفاصيل.

وممكن بالتالي نلخص الفرق ما بين ال CV و ال Resume ببساطة انه :

CV – long, covers your entire career, static
Resume – short, no particular format rule, highly customizable

اما بقي ال Portfolio ده قصة تانية :
الناس اللي بتشتغل في ال creative industry زي ال Graphic designers وال copywriters وال photographers وال Videoeditors و ناس تانية زي الكتاب والمؤلفين والمترجمين.. كل دول بيحتاجو ال Portfolio
ال Portflio ببساطة عبارة عن عرض نماذج لشغلك السابق سواء كانت صور للشغل ده او لينكات لل projects دي
ودلوقتي الموضوع بقي اسهل في النقطة دي لانك مش محتاج تعمل ال Portfolio بنفسك وفي Websites ممكن تعتبرها البورتفليو بتاعك وتبعت حسابك عليها مباشرة زي :

https://www.behance.net/
https://vimeo.com/
https://contently.com/

نتمني نكون جاوبنا علي اهم الاسئلة في الموضوع ده
لو عندك اي اسئلة سيبها في كومنت





Ads


Advertisment

Sponsors



Email: info@eventatak.com


Ads


Advertisment