نصائح لطلبة الجامعة

Thu Jan 01, 1970 02:00 AM


course poster


الجامعة من أهم المراحل اللي بتعدي علي الواحد في حياته، و من أكتر الفترات اللي ممكن تتعلم فيها و هي البداية الفلعية للشغل و ال career بتاعك .. دي أهم النصائح ليك في الفترة دي


1- أدرك الوضع الحالي

في ناس كتير بتشتغل و هي مش مبسوطة و كارهين الشغل لأنهم كارهين المجال اللي هما فيه، انت في السنين اللي بتحدد انت هتشتغل ايه بعد كدا، حدد كويس إمكانياتك و أحلامك.

في الفترة دي انت بتاخد خطوات حيوية تجاه شغلك القادم، حاول تفكر هل انت فعلاً بتحب المجال ده؟ طيب ايه أكتر تخصص بتحبه فيه .. دا هيخليك علي الأقل تبقي محدد أتجاهاتك و تركز وقتك الفاضي أنك تطور نفسك فيه

كيف تختار مجال الدراسة والعمل المناسبين لك؟

 

2- أدرك أن الدراسة في الجامعة بتحتاج مجهود واجتهاد

مفيش غنى عن الاجتهاد، مرحلة الجامعة انت مش بتذاكر علشان تجيب مجموع، انت بتجتهد انك تحصل أكبر قدر من المعرفة و تحاول تطبقها علشان تفيدك في شغلك بعد كدا، مش بس علشان تنجح و تطلع معاك شهادة و تشتغل، لا علشان تطلع عندك أساس قوي تعرف تتميز في شغلك بيه، الفترة دي محتاجة أنك تذاكر ة تقرأ و تتعلم من كل المصادر المتاحة و الخارجية، لازم هتكرس وقتك و مجهودك خلال الفترة دي أنك تنجح و يبقي عندك أكبر قدر من العلم

 

3- كن عقلانياً

مع الإجتهاد المطلوب منك عليك انك تكون عقلاني، يعني مش هتذاكر المواد اللي عندك و تاخد 10 كورسات اونلاين و تنزل تدريب و تشتغل مكان في نفس الشهر، خليك عقلاني في الأهداف اللي بنحاول تحققها، أدرس كويس جداً و خد حاجة أو أتنين بالكتير مع الدراسة و ركز فيهم جداً … يعني لو انت في كلية عملية مع الدراسة كفايا كورس مكثف واحد، و تخلصه و تعمل حاجة بعده مش معاه في نفس الوقت، لو عندك وقت كتير جمب الدراسة ممكن تاخد كورسين في نفس الفترة أو كورس و تدريب، و هكذا

كيف أحقق أقصى إستفادة من الكورسات

 

4- تعرف علي الفرص

في فترة الجامعة في فرص كثيرة و مسابقات و منح ممكن تشارك فيها، أسأل كتير عن الحاجات دي

كيف تستغل سنوات الدراسة الجامعية

 

5- قم بفعاليات فقط إذا كانت مفيدة

الفاعليات و الأنشطة الطلابية يا إما بتكون مفيدة أو مجرد تضييع للوقت، أسأل كويس قبل ما تشترك في أسرة أو نشاط طلابي عن أهدفهم و دورك هيكون ايه و أعرف فعلاً هل هتستفيد منه و لا هيبقي مجرد تضييه وقت

كيف تستفيد من الأنشطة الطلابية

 

6- خليك منظم

في حاجات كتير جداً ممكن تعملها الفترة دي، انت محتاج ترتب أولوياتك و تنظم وقتك كويس جداً علشان توصل لأفضل أستغلال للوقت، لازم يبقي عندك جدول إسبوعي للحاجات اللي عاوز تعملها. دي أكتر فترة تعرف تتعلم فيها التوازن، انت بعد كدا هتحتاج توازن بين شغل و أسرة و حاجات كتير، أدرب من دلوقتي أنك توازن بين الدراسة و التعلم و الأنشطة الخارجية

 

7- المرشد الأكاديمي

بعض الكليات فيها مرشد أكاديمي لكل طالب، سواء عندك أو معندكش لازم تلاقي حد أكبر منك و عدي علي المرحلة اللي انت فيها و تتكلم معاه كتير و تاخد رأيه في معظم المشاكل و القرارات اللي محتاج تاخدها و تسأله عن تجاربه هو و اللي حوليه.. دا ممكن يبقي دكتور في الجامعة أو معيد أو حد في آخر سنة في الكلية بس تبقي واثق فيه

 

8- أنطلق

متبقاش الدراسة كل همك، أشترك في الفعاليات المفيدة، شوف هواياتك ايه و حاول تمارسها، روح المكتبة بتاعة الجامعة، أعرف الأقسام التانية و أتعرف علي ناس فيها و أتكلم معاهم، الفترة دي بتاعة انك جمب الدراسة تعرف المحيط الكبير اللي حوليك

 

9- أعمل حاجة

أكتب قصة و انشرها، أعمل مدونة، موقع، تطبيق موبايل، أعمل حاجة بنفسك، و كملها و أنشرها، أعمل معرض، فاعليه، نظم أو أنتج حاجة بنفسك

 

10- لا تخجل من طلب المساعدة

لا تخجل من السؤال أو طلب المساعدة، انت في مرحلة الطبيعي عدم توقع خبرات سابقة منك، طلب المساعدة مهارة عليك تعلمها، في أي موقف إذا حاولت و لم تستطيع أطلب المساعدة، و تعود أن تسأل كثيراً.





Ads


Advertisment

Sponsors



Email: info@eventatak.com


Ads


Advertisment